Sisindiran Pantun Sunda Cawokah (Nyi Randa)

gambar tina www.google.com

Nyandak cabe ticikélet

Nyandak dina roda anyar

Naha hate bét kapelet

Ku nyiranda anu anyar

Aya beurit nakiara

Dicoer barudak recet

Ningali imbit nyiranda

Kana hate ting seredet

Beuritna asup nakohkol

Dina lawang rek dipegat

Imbitna nu emplok cendol

Disawang mantak tibelat

Cai pinuh ti sungapan

Kasisi minuhan légok

Abdimah pinuh harepan

Sugan asih bisa amprok

Aya kungkang dina seureuh

Natutugan cikanyere

Ieu akang anu deudeuh

Sugan nyai rek malire

Disidik di ulak ilik

Ngalampar dina lalayah

Di pikir dibulak balik

Mantak jangar kana sirah

Kamari geus ti banjaran

Nempo huma jeung sawahna

Uing jadi panasaran

Hayang geura nempo "taeuna"..